Lista de productos del colectivo NOR Euskal Herria Antiespezista

Nor 2018. urtean sortutako kolektibo antiespezista bat da; animalien askapenaren alde lan egitea du helburu. Horretarako, beharrezkoa da, lehenik eta behin, gizaki gisa ditugun pribilegioez jabetzea. Pribilegio horien ondorioz, gizakion eta gizakiz besteko animalien arteko harremanak botere-harremanak dira. Boterea gizakion esku dago, eta, ondorioz, beste animaliak menpeko bilakatzen ditugu, objektu, baliabide huts. Hori aldatu nahi dugu, eta gogoeta piztea da hori lortzeko lehendabiziko urratsa. Ez dugu lan hori bakarrik egin nahi. Euskal Herriko egungo mugimendu antiespezista sendotzea hartu dugu helburutzat; indarrak batu nahi ditugu, eta taldeak saretu, animalien askapenaren aldeko borroka argi eta garbi jartzeko justizia soziala xede duten gainerako mugimenduen artean. Antiespezismoa jarrera politiko bat da, eta, ondorioz, gure tokia gainerako zapalkuntzen aurka lanean ari diren taldeen artean dago, espezismoaren aurkako borroka zapalkuntza ororen aurkako borroka baita. Talde antiespezista gara, bai eta feminista, antikapitalista eta euskaltzalea ere.