Rihnaren bihotz taupada

“Rihnaren taupada” ipuin ilustratua eta autobiografikoa da, Beatriz Ibáñez Olabarria naizena idatzia: psikopedagogoa, gaitasun handietan aditua, hezitzailea eta Haur Hezkuntzako irakaslea.
Ipuin hau nire esperientzia pertsonaletik sortu zen, amatasunaren bidea bakarka aukeratu eta bizitzearen erabakia kontatzeko beharragatik, eta beste familia askori ere beren istorioa segurtasunez eta maitasunez kontatzen laguntzeko asmoarekin. 2021eko otsailean, crowdfunding kanpaina bati esker autoeditatu zen, eta ordutik, familia askorentzat tresna lagungarri bihurtu da.

Pedagogia sistemikoan inspiratua, ipuin honek modu hurbilean eta ulergarrian lantzen ditu familia-eredu ezberdinak, jatorriak, loturak eta norberaren historia kontatzeko beharra. Sarri galdetzen duten haurren aurrean, gurasook hitzak aurkitzea zaila egiten zaigu; ipuin honek hitz horiek eskaini nahi dizkie bai haurrei, bai helduei.

Kontatzen dudan istorioa nire bizitza erreala da: amatasuna bakarka eraikitzeko desioa, zalantzak, hautuak eta ilusioa. Askotariko emozioak eta bizipenak dituen bide bat, beste familia askoren errealitatea ere ikusgarri bihurtzen lagundu nahi duena.

Sandra Erre ilustratzailearen irudiekin eta Marilluz Gutiérrez valentziar kantautorearen abesti originalarekin lagunduta, “Rihnaren taupada” ipuin honek familia-aniztasuna lantzeko hezkuntza-tresna baliotsua eskaintzen du, bai etxean, bai Haur eta Lehen Hezkuntzako eskoletan.

Gaur egun, euskaraz eta gaztelaniaz gai hau lantzen duten materialak oso urriak dira. Horregatik, ipuin hau hazi txiki bat da, ikusgarritasuna, aniztasunarekiko begirunea eta kontatzeko askatasuna sustatu nahi dituena. Bereziki aproposa da maiatzaren 15ean, Familia Aniztasunaren Nazioarteko Egunean, eskoletan edo familien artean lantzeko.